ಹೊಸ ಬೈಕ್ ಸವಾರಿ – ಮೃತ ಪಟ್ಟ ಯುವಕ

ವರದಿ ರಾಣಿ ಪ್ರಸನ್ನ

ಯಸಳೂರು ಹೋಬಳಿ ಚಂಗಡಿಹಳ್ಳಿ ಗ್ರಾಮದ ರಮೇಶ (22) ಇವರು ಆಗತಾನೇ ಖರೀದಿಸಿದ ಹೊಸ ಬೈಕ್ ನಲ್ಲಿ ಊರಿಗೆ ತೆರಳುತ್ತಿದ್ದಾಗ  ಅಪಘಾತ ಸಂಭವಿಸಿ ಮೃತ ಪಟ್ಟ ಘಟನೆ ವರದಿ ಆಗಿದೆ .

ಸಕಲೇಶಪುರದಲ್ಲಿ  ಶ್ರೀ ವೀರಭದ್ರೇಶ್ವರ ಮೋಟಾರ್ಸ್‌ನಲ್ಲಿ ಬಜಾಜ್ ಸಿಟಿ 100 ಬೈಕ್ ಖರೀದಿಸಿ ನಂತರ ಶ್ರೀ ರಾಮ ಫೈನಾನ್ಸ್‌ನಲ್ಲಿ ಲೋನ್ ಪ್ರಕ್ರಿಯೆ ಪೂರ್ಣಗೊಳಿಸಿ ಊರಿಗೆ ವಾಪಾಸ್ಸಾಗುತ್ತಿದ್ದಾಗ ಅಪಘಾತ ಸಂಭವಿಸಿದೆ.

ಯುವಕನ  ನಿರ್ಲಕ್ಷ್ಯದ ಚಾಲನೆಯಿಂದ ಡಿವೈಡರ್ ಗೆ ಡಿಕ್ಕಿಯಾಗಿರುವ ಈ ಘಟನೆ ರಾಷ್ಟ್ರೀಯ ಹೆದ್ದಾರಿ 75ರ ಕೊಲ್ಲಹಳ್ಳಿ ಬಳಿ ನಡೆದಿದೆ ಎಂದು ಅಲ್ಲಿಯೇ ನೆರೆದಿದ್ದ ಜನರು ತಿಳಿಸಿದ್ದಾರೆ

ಮೇಲ್ಸೇತುವೆಯಿಂದ 20 ಮೀ. ದೂರದ ಡಿವೈಡರ್ ಗೆ ಡಿಕ್ಕಿಯಾಗಿ ಬೈಕ್ ಸಮೇತ ಕೆಳಗೆ ಬಿದ್ದಿದ್ದಾನೆ. ವೇಗದ ಚಾಲನೆಯೇ ಅಪಘಾತಕ್ಕೆ ಕಾರಣ ಎನ್ನಲಾಗಿದೆ.