ಮಲೆನಾಡು ಆಟೋ ಚಾಲಕರು ಮತ್ತು ಮಾಲೀಕರ ಸಂಘದ ವತಿಯಿಂದ ರಾಜ್ಯೋತ್ಸವ ಆಚರಣೆ
ಸಕಲೇಶಪುರ:- ನಗರದ ಹೇಮಾವತಿ ಸೇತುವೆ ಬಳಿ ಇರುವ ಮಲೆನಾಡು ಆಟೋ ಚಾಲಕರು ಮತ್ತು ಮಾಲೀಕರ ಸಂಘದ ವತಿಯಿಂದ 70 ನೇ ಕನ್ನಡ ರಾಜ್ಯೋತ್ಸವವನ್ನು ನಾಡ ಧ್ವಜಾರೋಹಣದ ಮೂಲಕ ಆಚರಿಸಲಾಯಿತು. ಸಂಘದ ಹಿರಿಯ ಸದಸ್ಯರಾದ ತಮ್ಮಣ್ಣ ರವರು, ಮತ್ತು ಮಹೇಶ್ ರವರು ಧ್ವಜಾರೋಹಣವನ್ನು ಮಾಡಿದರು. ಸ್ಥಳಿಯ ಲಾಡ್ಜ್ ಮಾಲೀಕರಾದ ಬಾಬಣ್ಣ ರವರು ನಾಡ ದೇವಿಗೆ ಪೂಜಾ ಕಾರ್ಯಕ್ರಮವನ್ನು ನೆರವೇರಿಸಿದರು. ಧ್ವಜಾರೋಹಣ ಸಂದರ್ಭದಲ್ಲಿ ಸಂಘದ ಸದಸ್ಯರಾದ ತಮ್ಮಣ್ಣ, ಮಹೇಶಣ್ಣ , ಮೋನುಕಾಕಾ, ತಂಗ ,ಭರತ್, ವೆಂಕಟೇಶ್, ಹಲವಾರು ಸದಸ್ಯರುಗಳು ಹಾಗೂ ಸಾರ್ವಜನಿಕರು ಮತ್ತು ಮಕ್ಕಳು ಹೆಚ್ಚಿನ ಸಂಖ್ಯೆಯಲ್ಲಿ ಸೇರಿದ್ದರು. ನಂತರ ರಾಷ್ಟ್ರಗೀತೆಯನ್ನು ಹಾಡಲಾಯಿತು. ಸಂಘದ ಸದಸ್ಯರುಗಳೆಲ್ಲರೂ ಸೇರಿ ನೆರೆದಿದ್ದ ಸಮಸ್ತ ನಾಗರಿಕರಿಗೆ ಸಿಹಿಯನ್ನು ಹಂಚಿದರು. ಸ್ಥಳೀಯ ಎಲ್. ಜೆ .ಬೇಕರಿ ಮಾಲೀಕರಾದ ರಂಗನಾಥ್ ರವರು ಎಲ್ಲರಿಗೂ ಕೇಕ್ ಅನ್ನು ವಿತರಿಸಿದರು. ಆಟೋ ಚಾಲಕರ ಸಂಘದ ಹಿರಿಯ ಸದಸ್ಯರಾದ ತಮ್ಮಣ್ಣ ರವರು ಮಾತನಾಡುತ್ತಾ ಕಾರ್ಯಕ್ರಮಕ್ಕೆ ಆಗಮಿಸಿದ್ದ ಎಲ್ಲಾ ಗಣ್ಯ ವ್ಯಕ್ತಿಗಳಿಗೆ ಹಣ್ಣು ಮತ್ತು ತಾಂಬಲವನ್ನು ವಿತರಿಸುತ್ತ ಮುಂದಿನ ದಿನಗಳಲ್ಲಿ ಈ ಕಾರ್ಯಕ್ರಮವನ್ನು ಉತ್ತಮ ರೀತಿಯಲ್ಲಿ ಮಾಡಲಾಗುವುದು ಎಂದು ಹೇಳುತ್ತಾ, ಕಾರ್ಯಕ್ರಮದಲ್ಲಿ ಭಾಗವಹಿಸಿ ಸಹಕರಿಸಿದ ಎಲ್ಲರಿಗೂ ಸಂಘದ ಪರವಾಗಿ ಎಲ್ಲರಿಗೂ ಕನ್ನಡ ರಾಜೋತ್ಸವದ ಶುಭಾಶಯಗಳನ್ನು ಹೇಳಿದರು. ಕಾರ್ಯಕ್ರಮವನ್ನು ಯಶಸ್ವಿಯಾಗಿ ನೆರವೇರಿಸಲಾಯಿತು.
