ಆಲೂರು : ಕಾರ್ಜುವಳ್ಳಿ ಶ್ರೀಮಠ ಇಲ್ಲಿಯವರೆಗೆ ಧಾರ್ಮಿಕ ಕಾರ್ಯಕ್ರಮಗಳ ಜೊತೆಗೆ ನೂರಾರು ಸಾಮಾಜಿಕ ಕಾರ್ಯಕ್ರಮಗಳನ್ನು ಮಾಡುವ ಮೂಲಕ ಭಕ್ತಾಧಿಕಗಳ ಹಾಗೂ ನಾಗರೀಕರ ಮನಗೆದ್ದಿದೆ ಎಂದು ಕಾರ್ಜುವಳ್ಳಿ ಹಿರೇಮಠ ಫೀಠಾಧ್ಯಕ್ಷ ಷ.ಬ್ರ. ಶ್ರೀ ಸದಾಶಿವಾಚಾರ್ಯ ಮಹಾಸ್ವಾಮಿಗಳು ಪತ್ರಿಕಾಗೋಷ್ಟಿಯಲ್ಲಿ ತಿಳಿಸಿದ್ದಾರೆ.
ಆಲೂರು ತಾಲ್ಲೂಕು ಪಾಳ್ಯ ಹೋಬಳಿ ಕಾರ್ಜುವಳ್ಳಿ ಗ್ರಾಮದಲ್ಲಿರುವ ಕಾರ್ಜುವಳ್ಳಿ ಹಿರೇಮಠದಲ್ಲಿ ಆಯೋಜಿಸಿದ್ದ ಪತ್ರಿಕಾಗೋಷ್ಟಿ ಯಲ್ಲಿ ಮಾತನಾಡಿದರು. ಈ ಹಿಂದೆ ಇದ್ದ ಸ್ವಾಮಿಗಳ ಸ್ಮರಣಾರ್ಥ ದೇವಾಲಯ ನಿರ್ಮಾಣ ಮಾಡಿ ಲೋಕಾರ್ಪಣೆ ಮಾಡುವ ಗುರಿಯನ್ನು ಹೊಂದಲಾಗಿದೆ. ನಾನು ಸ್ವಾಮೀಜಿಯಾಗಿ ನೇಮಕವಾಗಿ 4 ವರ್ಷ ಕಳೆದಿದ್ದು, 5ನೇ ವರ್ಷವನ್ನು ತುಂಬಾ ವಿಶೇಷ ಕಾರ್ಯಕ್ರಮಗಳೊಂದಿಗೆ ಆಯೋಜನೆ ಮಾಡಲಾಗುವುದು. “ಐದರ ಐಸಿರಿ ವರ್ದಂತ್ಯೂತ್ಸವ ಹೆಸರಿನ ಲೊಗೋ ಬಿಡುಗಡೆ ಮಾಡಿದರು. ಮಠಗಳು ಕೇವಲ ಧಾರ್ಮಿಕ ಕಾರ್ಯಕ್ರಮಗಳನ್ನು ಮಾತ್ರ ನಡೆಸುತ್ತವೆ ಎಂಬುದು ಬಹುತೇಕ ಜನರ ಮನಸ್ಸಿನಲ್ಲಿರುತ್ತದೆ. ಆದರೆ ಶ್ರೀ ಮಠದ ಕಡೆಯಿಂದ ಸಾಮಾಜಿಕ ಕಾರ್ಯಗಳಾದ ಕ್ಷಯ ರೋಗದಿಂದ ಬಾದುತ್ತಿರುವ ಒಬ್ಬ ವ್ಯಕ್ತಿಗೆ 1 ವರ್ಷಕ್ಕೆ ಬೇಕಾಗುವ ಪೌಷ್ಟಿಕ ಆಹಾರದ ಕಿಟ್ ನೀಡಲಾಗಿದೆ. ತಾಲ್ಲೂಕಿನ 2 ಬಡ ವಿದ್ಯಾರ್ಥಿಗಳಿಗೆ ವರ್ಷಕ್ಕೆ 25 ಸಾವಿರ ರೂ.ಗಳಂತೆ ನೀಡಲಾಗಿದೆ. ಎಸ್.ಎಸ್.ಎಲ್.ಸಿ, ಪಿ.ಯು.ಸಿ ಯಲ್ಲಿ ಹೆಚ್ಚು ಅಂಕಗಳಿಸಿದವರಿಗೆ ಬಹುಮಾನ ಹಾಗೂ ಸನ್ಮಾನಿಸಿ ಪ್ರೊತ್ಸಾಹಿಸಲಾಗಿದೆ. ಶ್ರೀ ಮಠವು ವರ್ಷಕ್ಕೆ 5 ದಿನಗಳ ಕಾಲ ವಿಶೇಷ ಕಾರ್ಯಕ್ರಮವನ್ನು ನಡೆಸಲು ಪೂರ್ವ ಬಾವಿ ಸಿದ್ದತೆ ನಡೆಸಿದ್ದು, ಈ ಬಾರಿ ಪಂಚ ಪೀಠದ 5 ಮಹಾಸ್ವಾಮೀಗಳನ್ನು ಒಂದೇ ವೇದಿಕೆಯಲ್ಲಿ ತರುವ ಪ್ರಯತ್ನ ನಡೆಸಲಾಗಿದೆ. ಇತ್ತೀಚಿನ ದಿನಗಳಲ್ಲಿ ಯುವ ಪೀಳಿಗೆಯವರು ಧಾರ್ಮಿಕ ಕಾರ್ಯದಿಂದ ಹಿಂದೆ ಉಳಿಯುತ್ತಿರುವುದರಿಂದ ವಿದ್ಯಾರ್ಥಿ ಜೀವನದಲ್ಲಿಯೇ ಧಾರ್ಮಿಕ ಪ್ರಜ್ಞೆ ಹಾಗೂ ಜಾಗೃತಿ ಮೂಡಿಸುವ ಕಾರ್ಯಕ್ರಮ ರೂಪಿಸಲಾಗಿದೆ. ಮನೆಮನೆಗೆ ರೇಣುಕಾ, ಮನಮನದಲ್ಲಿ ರೇಣುಕಾ ಎಂಬ ವಿಶೇಷ ಕಾರ್ಯಕ್ರಮ, ಮಹಿಳೆಯರಿಗೆ ಬಾಗೀನ ನೀಡುವ ಕಾರ್ಯಕ್ರಮ,ಖ್ಯಾತ ವಿದ್ವಾಂಸರಿಂದ ವಿಶೇಷ ವಿಚಾರಧಾರೆ ಹಾಗೂ ಆಶೀರ್ವಚನ ಕಾರ್ಯಕ್ರಮ, ಸಮಾಜದಲ್ಲಿ ವಿಶೇಷ ಸೇವೆ ಸಲ್ಲಿಸುತ್ತಿರುವ ಯೋಧರು, ರೈತರು, ಕಲಾವಿದರು, ಪತ್ರಿಕೊಧ್ಯಮಿಗಳು, ಶಿಕ್ಷಕರು, ವೈದ್ಯರು ಮುಂತಾದವರುಗಳ ಸೇವೆ ಗುರುತಿಸಿ ಪುರಸ್ಕರಿಸಲು ಮುಂದಾಗಿದೆ. ಕಳೆದ 4 ವರ್ಷದಲ್ಲಿ 50 ಅಮಾವಾಸೆ ಪೂಜೆಗಳು ನೆರವೇರಿದ್ದು, ಈ ವರ್ಷದಿಂದ 51 ನೇ ಅಮಾವಾಸೆ ಪೂಜೆಯಿಂದ ಆರಂಭಿಸಲಾಗುವುದು. ಪ್ರತಿ ಪೂಜೆಯಲ್ಲೂ 5 ಜನ ಯೋಧರನ್ನು ಗುರುತಿಸಿದ್ದು, ಸಾಧಕ ರತ್ನ ಪ್ರಶಸ್ತಿ ನೀಡಲಾಗುವುದು, ಪ್ರತಿ ಕಾರ್ಯಕ್ರಮದಲ್ಲೂ, 100-150 ಜನ ಭಕ್ತರಿಗೆ, 100-150 ಜನರ ಸಾಧಕರಿಗೆ ಪುರಸ್ಕರಿಸುವ ಗುರಿ ಹೊಂದಲಾಗಿದೆ ಶ್ರೀ ಮಠವು ಮುಂಬರುವ ದಿನಗಳಲ್ಲಿ ಶ್ರೀಗಳ ದರ್ಶನ, ಕಟ್ಟಡ ನಿರ್ಮಾಣ, ರೇಣುಕಾವಾಣಿ ಮಾಸಪತ್ರಿಕೆ ಬಿಡುಗಡೆ, ಸಾಧಕರಿಗೆ ಪ್ರಶಸ್ತಿ, ಪಂಚಪೀಠಾಧ್ಯಕ್ಷರನ್ನು ಶ್ರೀ ಕ್ಷೇತ್ರಕ್ಕೆ ಬರಮಾಡಿಕೊಳ್ಳುವುದು, ಸ್ಮರಣ ಸಂಚಿಕೆ ಬಿಡುಗಡೆ, ವನದುರ್ಗ ಅಮ್ಮ ದೇವಾಲಯ ನಿರ್ಮಾಣದ ಕನಸ್ಸನನ್ನು ಹೊಂದಲಾಗಿದೆ ಎಂದರು.
ಪತ್ರಿಕಾಗೋಷ್ಠಿಯಲ್ಲಿ ಶ್ರೀಮಠದ ಆಡಳಿತಾಧಿಕಾರಿ ಎಸ್ ಎಸ್ ಶಿವಮೂರ್ತಿ, ಪುರೋಹಿತರಾದ ದೇವರಾಜ್ ಶಾಸ್ತ್ರಿಗಳು, ಯಶ್ವಂತ್ ಕಾರ್ಜುವಳ್ಳಿ ಮುಂತಾದವರು ಉಪಸ್ಥಿತರಿದ್ದರು.
ಕಾರ್ಜುವಳ್ಳಿ ಹಿರೇ ಮಠದಲ್ಲಿ ಪತ್ರಿಕಾ ಗೋಷ್ಠಿ
